Më 27.01.2022 në objektin e kontrollit të trafikut ajror, Кëshilli Drejtues i M-NAV i udhëhequr nga Z. Fahrudin Hamidi – Kryetar i Këshillit Drejtues dhe Drejtor Ekzekutiv ne Sektorin e Navigacionit Ajror, Z. Vladko Krstevski –Drejtor Ekzekutiv në Sektorin Teknik dhe Z.Migjen Salmani – Drejtori Ekzekutiv për Çështje Financiare, Ligjore, Zhvillim dhe Investime patën nderin të mirëpresin Ministrin e Transportit dhe Lidhjeve Z.Bllagoj Boçvarski dhe Zëvendësin e tij Z.Bekim Rexhepi.

Gjatë vizitës, Ministri pati mundësinë të vizitojë ambientet tona operative dhe të njihej me punën tonë.

Kryetari i Këshillit Drejtues Z. Hamidi informoi për fillimin e аktiviteteve preliminare te parashikuara për ndërtimin e objektit të ri me sipërfaqe të përgjithshme prej 1200 metrash katrorë, ku do të vendostet sistemi i ri ATM, i cili do të kontribuojë në rritjen e kapaciteteve tona dhe modernizimin e institucionit.

Pavarësisht krizës në dy vitet e fundit të shkaktuar nga pandemia Covid-19 e cila pati një ndikim të madh negativ në trafikun ajror, M-NAV si ofrues i shërbimeve të navigacionit ajror u përball me një ulje drastike të të ardhurave, por me përpjekjet e përbashkëta të të gjithë ekipit në Shoqërinë tonë ne arritëm ta tejkalojmë atë dhe të përmirësojmë treguesit tanë financiarë.

M-NAV vazhdon me modernizimin e sistemit të navigacionit ajror i cili do të mundësojë shumë në shërbimin e një vëllimi më të madh të trafikut, si dhe ofrimin e shërbimeve sa më profesionale dhe të sigurta të navigacionit ajror.

M-NAV dhe Albcontrol morën pjesë në një takim dypalësh i cili u mbajt më 07 dhjetor 2021 në zyrret e M-NAV në Bosfor, Mralino. Anëtarët e Këshillit Drejtues të M-NAV shprehën mirëseardhjen dhe mbështetjen e tyre për delegacionin e Albcontrol dhe dhanë drejtime strategjike përsa i përket nivelit të pritshëm dhe fushave të bashkëpunimit mes të dy ANSP-ve. Më pas takimi vazhdoi me grupin e punës të udhëhequr nga Drejtorët e Departamentit për komunikim, navigacion dhe vëzhgim dhe Shefat e radarëve nga të dyja palët e pranishme.

Në takim u diskutuan fushat në të cilat pritet përmirësim, ngritja e cilësisë së shërbimeve dhe shkëmbimi i të dhënave ndërmjet dy ANSP-ve. Gjithashtu u diskutua statusi i infrastrukturës së përdorur aktualisht, zgjidhjet e mundshme teknike me qëllim përmirësimin e cilësisë së lidhjes së nevojshme të komunikimit, formatet e mundshme të të dhënave të radarit që do të shkëmbeheshin, si dhe mundësia e integrimit të të dhënave të shkëmbyera OLDI në zgjidhjen e re të komunikimit.

Gjithashtu u ra dakord që të përgatitet një draft Memorandum për Bashkëpunim për shkëmbimin e të dhënave ndërmjet Radarit të Ohrit dhe Porto Romanos.

Më datë 4 Nëntor 2021 u zhvillua një takim dypalësh me kolegët e SMATSA për shkëmbimin e përvojave në fushën e teknologjive për punën operacionale, investimet dhe modernizimin e sistemeve tona.

Në lidhje me Covid ndikimin, u diskutua gjendja aktuale e trafikut tonë ajror ne këtë vit të 2021 dhe situata financiare, planet dhe pritshmëritë tona për sezonin e ardhshëm të 2022-tës, inkuadrimi dhe implementimi i SECSI FRA inicijativës dhe ndryshimet në LoA (memorandum bashkëpunimi).

Kontrollorët e trafikut ajror të udhëhequr nga Presidenti i Këshillit Drejtues të SHA “M-NAV”, me ftesë të SECSI FRA Group dhe Albcontrol morën pjesë në takimin rajonal në Tiranë nga data 18-20 tetor. Tema e takimit ishte iniciativa për një qiell të përbashkët juglindor, hapësirë ajrore e planifikimit të lirë të fluturimit (SECSI FRA). Në takimin rajonal morën pjesë përfaqësues të ofruesve të shërbimeve të navigiacionit ajror nga Sllovenia, Kroacia, Bosnja dhe Hercegovina dhe Shqipëria.

Ky takim rajonal ishte i një rëndësie të veçantë për M-NAV sepse zyrtarizoi anëtarësimin e Republikës së Maqedonisë së Veriut dhe Shqipërisë në këtë iniciativë. Ajo që i dha vlerë shtesë këtij takimi ishte një mundësi e mirë për të diskutuar çështje operative lidhur me këtë iniciativë, e cila do të ofrojë opsione për rrugën më të shkurtër për përdoruesit e hapësirës ajrore, do të sjellë përfitime të konsiderueshme përgjatë boshtit juglindor (Aksi Juglindor) , të cilat përfitime u diskutuan në këtë takim. Poashtu u bisedua edhe për momentin e diskutueshëm në funksionimin e sistemit tonë, i cili nuk përpunon FPL, pra janë tre pika për qarkullimin dalës drejt Tiranës.

Në këtë mbledhje u zhvillua edhe takim edhe me Drejtorin e Përgjithshëm të Albcontrol- Hantin Bonati me të cilin u diskutua për zgjidhjen përfundimtare formale për delegimin e një pjese të hapësirës ajrore mbi Liqenin e Ohrit për nevojat e M-NAV gjatë ofrimit të shërbimeve të navigacionit ajror nga ana e ATC (Kontroli i Trafikut Ajror) Ohër si dhe vendosjen e një lidhje direkte telekomunikuese ndërmjet ATC Ohër dhe Albcontrol.

M-NAV vazhdon të mbajë takime rajonale në të gjithë rajonin me qëllim të zbatimit efektiv të kësaj inicijative.