TEMA: НА ПРВАТА ЛИНИЈА НА КЛИМАТСКИТЕ АКТИВНОСТИ

Климатските промени се реална и непобитна закана за целата наша цивилизација. Ефектите се веќе видливи и ќе бидат катастрофални доколку не дејствуваме веднаш. Затоа, темата на Светскиот ден на метеорологијата 2024 година е „На првата линија на климатските активности“.

Климатските активности значат различни нешта за различни луѓе. Но, сите се согласуваат дека тие активности се неопходни, итни и значат повик за сите. Сите ние мора да делуваме во иста насока. Нашите метеоролошки и хидролошки заедници собираат, споделуваат и анализираат податоци за времето, водата и животната средина. Овие податоци се основата за да се разбере што се случува со климата во моментов и како таа се менува.

Како прашање на приоритет, хидрометеоролошките служби ширум светот се ангажирани во подобрувањето на нивните системи за рано предупредување, кои пак, се основата на адаптацијата и намалувањето на ризикот од катастрофи. Сепак, денес многу земји не се во можност да ги дадат овие рани предупредувања за да ги заштитат своите луѓе. Ова е причината зошто, како дел од глобалната заедница, СМО ја започнува иницијативата „Рани предупредувања за сите“. Секој човек на Земјата треба да има пристап до навремени и меродавни информации за временските и климатските ризици до крајот на 2027 година.

Климата и времето влијаат на речиси секоја активност, a информациите за времето и климата го поттикнуваат економскиот раст. Треба да направиме повеќе за да ја претвориме климатската наука во услуги. И треба овие климатски услуги да ги направиме подостапни за сите и да ги користиме поефикасно.

На Светскиот ден на метеорологијата, Националните метеоролошки и хидролошки служби заземаат централно место. Тие се клучни за намалување на ризикот, развој, адаптација, ублажување и одржливост. Нивната експертиза мора да се вклучи во политиката на високо ниво за климатските активности. Соочени со невидени еколошки предизвици, ние метеоролозите не сме обични набљудувачи. Наместо тоа, ние сме повикани да бидеме менувачи на играта. Нашата улога како научници и застапници за планетата никогаш не била поклучна.

Заедно стоиме на првата линија на климатските активности додека го прифаќаме патувањето преку соработка и иновации, користејќи колективна експертиза за да ги надминеме предизвиците и да ја постигнеме нашата заедничка визија за побезбеден и поотпорен свет за идните генерации – свет во кој децата напредуваат во хармонија со природата.

На 27.12.2023, Министерот Бочварски оствари работна посета на М-НАВ АД Скопје на тема развој и нашите идни планови во авио сообраќајот..

М-НАB бележи една од најуспешните години  по бројот на прелети над нашата државата со зголемување од 26,5 % споредено со 2019 година и зголемување од 13,4 % споредено со 2022 година.

Изразено во бројки, во 2022 година вкупно преку нашето небо имало 204.000 прелетувања, додека до крај на годината очекувањата се дека бројката ќе достигне преку 230.000 прелетувања.

Во однос на вкупните операции во воздухопловството оваа 2023 година имаме зголемување од 25 проценти во однос на 2019 година, односно 17,3 проценти споредено со 2022 година.

По овој повод Министерот Бочварски додели Благодарница на Менаџментот на М-НАВ за овој придонес на одлично остварени резултати во авиосообраќајот.

Остануваме посветени  и понатаму за подобрување и обезбедување на сигурни и ефикасни услуги во воздухопловниот сообраќај и секако реализација на примарната задача, а тоа е оддржување на безбедно небо.

Во Клубот на пратениците, 06.12.2023 година, со почеток во 10:00 часот, беше презентирана првата работна верзија на VFR карта на Република Северна Македонија.

Картата е целосно изработена во М-НАВ, користејќи содржини добиени од Агенцијата за катастар на недвижности, воздухопловни податоци публикувани во Зборникот на воздухопловни информации, податоци за препреки добиени од АЦВ и редевните геодетски мерења кои М-НАВ ги извршува секоја година, како и податоци добиени пресметка согласно ICAO стандардите содржани во ICAO DOV 8168.

На работниот состанок учествуваа претставници од:

• Дирекција за заштита и спасување
• МВР
• вВИНГ – АРМ
• Министерство за одбрана
• КИНСИВ
• Воздухопловна федерација
• АК Штип
• АК Скопје

Денес, министерот за транспорт и врски, Благој Бочварски, заедно со заменик министерот, и државниот секретар, остварија работна посета на нашето Друштво, каде заедно со менаџментот nна М-НАВ извршија увид на новата АТМ опрема, чие поставување е во тек.

 Со набавката на новиот АТМ систем, се овозможува одржување на безбедноста на највисоко ниво, усогласеност со најновите технолошки стандарди, ќе придонесува за подигнување на капацитетите, зголемување на ефикасноста на целиот систем и воедно ќе овозможи способност за успешно справување со зголемен обем на сообраќај

 Министерот Бочварски оствари и средба со претставници на синдикатите при М-НАВ како дел од заедничкиот договор за постојана координација и средби со цел реализирање на преземените обврски од вете страни.

Претседателот на Управниот одбор и Извршен Директор на Секторот за воздушна навигација (ANS), г-дин Фахрудин Хамиди, учествуваше на 2-от CANSO Europe COO форум што се одржа во Цирих на 7-ми ноември. Настанот, организиран од Skyguide OPS Centre, ги зближи индустриските лидери за решавање на клучните прашања како што е менаџирањето на работната сила и предизвиците за развој на КЛ (ATCO) , вклучувајќи ги стратегиите за регрутирање и непосредната потреба за привлекување нови таленти во секторот.

Сеопфатната дискусија, исто така, ги истражи трансформативните идеи за идната обука и лиценцирање на КЛ (ATCO), кои произлегуваат од подобрената ефикасност на обуката, технолошкиот напредок, работните услови и распоредот за работа, меѓу другите теми поврзани со менаџирање  на работните места на КЛ (ATCO).

Со непоколеблива посветеност, M-NAV цврсто настојува кон обезбедување на ефикасни воздухопловни услуги  преку континуирана поддршка и извонредни програми за обука за своите контролори на летање.

Селектираните 8-мина кандидати за стекување на дозвола за контолори на летање успешно ја завршија теоретската и практичната обука за аеродоромска контрола на летање (ADI/TWR) во школскиот центар GATE Aviation Training APS во Данска.

М-НАВ им честира на студентите КЛ за постигнатиот успех и им посакува успешен понатамошен развој на нивната кариера.