По повеќе од 30 години, со целосна поддршка од Управниот одбор на М-НАВ АД Скопје, беа одобрени и реализирани активности за целокупно подобрување на условите за работа во зградата на АКЛ Охрид.

Во текот на 2026 година, успешно се завршени градежните работи за целосно реновирање на сите простории во зградата (канцеларии, заеднички соби, тоалети и др.). Како дел од овие активности, поставена е нова, квалитетна алуминиумска столарија со одлична термоизолација и енергетски ефикасни стакла, со што значително се подобрени условите за престој и работа.

Покрај веќе завршените зафати, од страна на Управниот одбор – како дел од Планот за јавни набавки за 2026 година – одобрени се уште три набавки кои треба да се реализираат до крајот на тековната година:

  • Хортикултурно уредување на дворот;
  • Покривање на подовите со нова подна облога;
  • Замена на внатрешните врати.

    Со завршувањето на овие активности, во целост ќе бидат заокружени сите предвидени работи за целосна модернизација и подобрување на работните услови во АКЛ Охрид.