Безбедност
Воздушниот транспорт е најбезбеден начин на патување со најмал број на несреќи по број на патници на километар. Но, ова не значи дека во воздушниот сообраќај не се случуваат грешки. Како и да е, настаните систематски се запишуваат, класифицираат и анализираат за да се спречи појава на слични вакви настани во иднина. Безбедноста е главен приоритет во М-НАВ.
Патниците кои патуваат немаат причина за загриженост. Возачот на автомобил е тој кој одлучува дали да вози бавно или брзо, дали да држи или да не држи растојание од автомобилот пред него. Кога станува збор на воздушниот сообраќај, приказната е поинаква. Контролорите на летање ги водат сите летови кои се одвиваат согласно правилата за летање по инструменти и за нив важат меѓународните правила.
Секоја потенцијално опасна ситуација се запишува и анализира. Ова е задача на системот за управување со безбедност во М-НАВ. Некои од нив ги анализира Агенцијата за цивилно воздухопловство и Комисијата за испитување.
Политиката за безбедност во М-НАВ може да ја најдете ТУКА.
Управувањето со безбедност има три главни компоненти:
Реакциска
М-НАВ има правна и морална обврска да презема активности при идентификување на пропусти кои влијаат на услугите кои М-НАВ ги дава. Имплементацијата на неопходните корективни мерки се овозможува преку систем за пријавување како и преку постапка и процедури за испитување на настани.
Со имплементирање на принципи на култура на праведност, системот за пријавување и испитување успешно функционира. Управниот Одбор настојува преку арбитража оваа култура на праведност да стане реалност во М-НАВ. Управниот Одбор ги охрабрува вработените да ги пријавуваат безбедносните настани.
Проакциска
Преку безбедносните надзори и следење на безбедносните перформанси се овозможува идентификација на опасности пред истите да направат негативен ефект, а исто така ќе се идентификуваат и имплементираат соодветни адекватни и навремени мерки. Најпреферирана компонента е проактивната компонента на управувањето со безбедност, а SMS-от е организиран така што опфаќа осврт и спречување на безбедносните ризици пред да се случат а не откако ќе се случат. Во системот за управување со безбедност се опишуваат препораките за проактивните и за корективните активности, чија цел е да се намалат ризиците и да се спречи нивно повторно појавување.
Предвидувачка
Пред да се имплементираат елементите во нов систем или при нивни промени се прави безбедносна проценка. Безбедносните аргументи и случаи се основа за носење одлуки т.е. дали, кога и како да се имплементираат или да не се имплементираат. Кога и да е можно, се изведуваат квантитативни безбедносни таргети за АТМ функционалните системи.
УСОГЛАСЕНОСТ
Воспоставивме функција за следење на усогласеноста во согласност со барањата на Регулативата (ЕУ) 2017/373.
Функцијата овозможува одговорно и систематско следење на усогласеност со важечките национални и меѓународни регулативи, стандарди и упатства. Следењето на усогласеноста вклучува и следење на новите важечки прописи според областите на примена (услуги, функции, процеси) како и систем на повратни информациии до Управниот Одбор на М-НАВ А.Д.- Скопје.
Информирањето во однос на процесот на усогласување се врши преку е-пошта на адреса: compliance@mnavigation.mk, која е создадена за дистрибуција на важечките регулаторни барања и поднесување прашања поврзани со начинот на имплементација и толкување на прописите.
Адресата исто така се користи за информирање за промените во важечките прописи кои се во надлежност на одговорните лица или корисниците, вклучително и пријави на потенцијални неусогласености и поплаки(жалби) од вработените и корисниците. Одржувањето на усогласеност во континуитет се врши преку следење на новини, информирање, советување и управување со пријави за неусогласеност) на друштвото.
Агенцијата за цивилно воздухопловство е регулаторно тело. Таа е тело кое прави надзор и кое му издава на М-НАВ уверение за работа. Се прави постојан надзор и при процесот на добивање на уверение за работа, се проверува дали М-НАВ ги исполнува безбедносните стандарди.