M-NAV këtë vit shënon 10 vjetorin e themelimit. Me 16 tetor 2008, Qeveria e Republikës së Maqedonisë solli vendim për nisjen e procedurës për themelimin e Shoqërisë Akcionare në pronë shtetërore për ushtrimin e veprimtarisë së dhënies së shërbimeve në navigacionin ajror, me çka është bërë ndarja ndërmjet ofruesit të shërbimeve të navigacionit ajror dhe pjesa rregullatore e Agjencionit për Fluturime Civile. Pas themelimit të shoqërisë, regjistrimi I saj në Regjistrin Qendror dhe vendosja e bilansit ndarës, një pjesë e të punësuarve, mjetet bazike dhe prona nga AFC (Agjensioni I Fluturimeve Civile) kaluan në M-NAV. Me datë 01.07.2009 Shoqëria zyrtarisht filloi të punojë si ofrues i shërbimeve për navigacionin ajror përgjegjëse për kryerjen e të gjitha shërbimeve të navigacionit ajror të parapara me Ligjin e Aviacionit.
Nëse bëjmë retrospektivë, M-NAV gjatë këtyrë 10 viteve u zhvillua në një kompani të suksesshme dhe me përgjegjësi shoqërore duke iu përgjigjur të gjitha sfidave në sferën e aviacionit duke ndjekur standardet dhe praktikat e rekomanduara që i vendosin trupat kompetent në industrinë e aviacionit siç janë ICAO dhe Eurocontrol.
Sukseset më të mëdha të M-NAV ndërlidhen me më shumë ngjarje të rëndësishmë, por ajo qe duhet të potencohet si e para është trendi I vazhdueshëm i rritjes drastike të komunikacionit ajror në veçanti vitet e fundit. Në këto 10 vitë të funkcionimit nga 01.07.2009 deri me datë 01.07.2019, M-NAV ka realizuar 1.507.347 IFR operacione, përkatësisht ngritje dhe ulje ndërkombëtare dhe mbikalime . Për ilustrim, në vitin 2009 janë realizuar 124 315 operacione, që po i njejti numër në vitin 2018 pothuaj se dyfish është rritur me gjithsej 201 772 operacione. Ne pjesën e parë të vitit 2019, M-NAV tani më ka realizuar 97 883 operacione.
Kontrollorët e fluturimeve por dhe profesionistët e tjerë të Shoqërisë në mënyrë aktive kontribuojnë për shërbime efikase të komunikacionit ajror në rritje.
M-NAV përkushton kujdes të veçantë trajnimeve të kuadrit që ka. Për atë qëllim në kuadër të M-NAV funkcionojnë më shumë qendra për trajnim në të cilat instruktorët e M-NAV në vazhdimësi organizojnë trajnime teorike dhe praktike për personelin e saj, ndërsa një pjesë e të punësuarve të M-NAV, trajnimin e zhvillojnë në qendra për trajnime me renome jashtë vendit.
Me qëllim ofrimin e shërbimeve efikase në komunikacionin e rritur ajror, kohët e fundit M-NAV për herë të parë nga veprimtaria e pavarur e saj me sukses rekrutoi dhe selektoi 11 kandidat për kontrollor të fluturimeve, me këtë rast për herë të parë u shfrytëzua paketi i testeve FEAST. FEAST përfaqëson test, mjet që përdoret dhe ndihmon ofruesëve të shërbimeve të navigacionit ajror të zgjedhin kontrollorë të trafikut ajror, gjëgjësisht të identifikojnë kandidatët më të përshtatshëm për punën e Kontrollorit të Trafikut Ajror.
Objekt veprimi i Shoqërisë përfshin edhe vendosjen, mirëmbajtjen, kontrollin dhe monitorimin e mjeteve teknike, aparaturën dhe pajisjet për ofrimin e shërbimeve në navigacionin ajror, punë e cila përcillet nga ana e inxhinierëve, përkatësisht nga Sektori Teknik I Navigacionit Ajror.
M-NAV vazhdon të zbaton program për modernizimin e sistemeve operativ dhe pajisjes teknike. Në këtë drejtim ndërsa me qëllim mirëmbajtjen e sigurisë së komunikacionit ajror M-NAV nënshkroi kontratë për furnizim dhe instalim të sistemit bashkëkohor për kontroll të fluturimeve, sistemi ATM, i cili do të mundëson vendosjen e sigurisë në nivel më të lartë dhe harmonizim të standardeve teknologjike më të reja si dhe do kontribojë për rritje të kapaciteteve të mëtutjeshme. M-NAV ka nënshkruar edhe kontrata të tjera për projekte që janë tashmë në fazë implementimi në kuadër të Projektit për Përmirësimin e Sistemit të Navigacionit Ajror të Maqedonisë së Veriut, të financuar në bazë të Marrëveshjes për Huamarrje , të lidhur me BERZH në Shtator të vitit 2013.
Janë nënshkruar kontrata për prokurim, instalim dhe testim të sistemit radiofonik VHF (very high frequency) dhe linkut mikrovalë, prokurim, instalim dhe testim të sistemit të regjistrimit dixhital të zërit (VRRS), përmirësimi i radarit ekzistues MSSR i instaluar në Ohër, prokurim, instalim dhe testim të sistemeve AWOS / VOLMET / ATIS për Aeroportin e Shkupit dhe sistemin AWOS për Aeroportin e Ohrit.
SH.A M-NAV pas vetëm 10 viteve nga egzistimi i saj, me përkushtimin për edukim të vazhdueshëm dhe vetëm një hap deri teknologjisë modern dha bashkëkohore ATM tani më është etabluar dhe ofrues i besuëshëm i shërbimeve në navigacionin ajror në regjion dhe më gjërë.
