Демант

Во врска со последната изјава од ССКЛ (Струков синдикат на контролори на летање)  дека УО на М-НАВ Ад Скопје не го почитува Договорот со распишување на огласи за вработување на несуштински кадар Ве известуваме дека се неточни и дека објавените огласи се во согласност со финансискиот план за 2023 година, одобрен од Влада на РСМ и добиена согласност од Министерството за Финансии. Запазени се законските рокови утврдени во законот за работни односи и огласите се со рок за пријавување од 10 дена а не се со рок од 2 дена како што е изнесено во јавноста од страна на претседателот на ССКЛ.

Во однос на изјавата дека Управниот Одбор на М-НАВ АД Скопје објавува огласи за несуштински профили истото категорично го отфрламе како неосновано бидејќи ни се потребни кандидати од професионален,оперативен профил, инженери, техничари и метео персонал, оператор во центар за одобрување на летови, преведувач од македонски на албански јазик  што е законска обврска која произлегува од законот за употреба на јазиците. Потребата за деловен асистент во секторот за воздухопловна навигација и самостоен советник-сметководител во одделение за финансии е неопходна.  Но оглас за самостоен советник во одделение за човечки ресурси НЕ е објавен.

Огласите се објавени во две печатени медиуми  Коха и Вечер со рок за објава 10 дена ( не сметајќи го денот на самото објавување), тие  се јавни и на истите може да се пријават сите кандидати кои ги исполнуваат условите.

Воедно би сакале да ја информираме јавноста дека на денешен ден 18.12.2023 год. нашето друштво има испратено допис-ургенција до Агенцијата за вработување на РСМ да се произнесе во однос на нивниот пропуст со објавени огласи со рок од 2 дена, спротивно на нашиот определен рок од 10 дена.

УО на М-НАВ АД Скопје

РАНГ ЛИСТА НА СЕЛЕКТИРАНИ КАНДИДАТИ ЗА РЕГРУТАЦИЈА ЗА КОНТРОЛОРИ НА ЛЕТАЊЕ

Акционерското друштво во државна сопственост за вршење на дејноста давање на услуги на воздухопловната навигација М-НАВ АД Скопје објави Оглас за прием на 8 кандидати на обука за стекнување дозвола за контролор на летање и вработување на определено време на ден 28.07.2022 година, Рокот за поднесување на пријавите и потребната документација траеше 15 (петнаесет) работни дена, сметано од наредниот ден од денот на објавување на огласот (не сметајќи го денот на самото објавување).

Согласно утврдените потреби и планови за обука и вработување на нови контролори на летање спроведена е јавна набавка за Селекција, почетна обука и обука за ADI TWR рејтинг за 8 кандидати по завршување на која М-НАВ АД Скопје склучи договор со најповолниот понудувач, економскиот оператор GATE Aviation Training APSод Данска.

За да обезбеди ефикасно и транспарентно спроведување на процесите, во „М-НАВ“ А.Д. – Скопје донесе Акционен план за регрутација и селекција на кандидати за контролори на летање .
Комисијата за разгледување на поднесените пријави за јавниот оглас ги разгледа поднесените пријави и заклучи дека од вкупно 247 (двеста четириесет и седум) пријави по јавен оглас 3/2022, 243 (двеста и четириесет и три) пријави ги исполнуваат бараните услови.

Бидејќи бројот на пријавени кандидати беше над 200 пријавени се спроведе тест за предселекција од страна на GATE Aviation Training APS во соработка со Комисијата после кој најдобрите се подложија на тестирање со FEAST тестот.

Тестот за предселекција се состоеше од три модули – Англиски јазик, ориентација во простор и критичко размислување (English, Spatial Reasoning and Critical Thinking). Комисијата за селекција на кандидати од М-НАВ учествуваше во работата и го следеше целиот процес кој се спроведуваше на локација обезбедена од страна на економскиот оператор (ФЕИТ). Тестот за предселекција се полагаше на компјутер и резултатите се добиваа електронски веднаш по завршување на тестот. Од предселекционото тестирање се направи ранг листа од сите кандидати кои се појавија на тестирањето и го полагаа тестот, вкупно 225 кандидати.

Согласно акционен план најдобрите кандидати од предселекцијата продолжија со тестирање со FEAST тестот(I, II,III).

FEAST I тестот го полагаа 166 кандидати, од вкупниот број тестот го положија 55 кандидати.

Од 55 кандидати FEAST II тестот го положија 13 кандидати.

Овие 13 кандидати го поминаа и FEAST III делот од тестот и со истите се спроведоа интервјуа од страна на економскиот оператор согласно нивни процедури, со користење на соодветно обучен психолог. По спроведените селекциони етапи од страна на економскиот оператор согласно Договорот за јавна набавка (предселекција, тестирање со FEAST тест, интервју со успешните кандидати) GATE Aviation Training APS достави ранг листа на најуспешните кандидати .

Согласно Акционен план е предвидено кандидатите да бидат упатени на лекарски прегледи за класа 3 во Воздухопловно- медицински центар кој е овластен да спроведува првични медицински прегледи за класа 3, а трошоците за лекарските прегледи да бидат на товар на „М-НАВ“ А.Д.-Скопје.

Лекарските прегледи беа закажани во воздухопловниот медицински центар во Софија бидејќи во Република Северна Македонија нема овластен медицински центар за спроведување на првични медицински прегледи за класа 3.

Управниот Одбор на М-НАВ АД Скопје по разгледување на целокупниот извештај за спроведената селекција на кандидатите доставен од страна на Комисијата донесе Одлуката со која го прифати изборот од Комисијата за селекција на кандидати за контролори на летање.

М-НАВ Ад Скопје објавува дека следните кандидати ќе се упатат на почетна обука и обука за ADI TWR во школскиот центар за обука GATE Aviation Training APS во Данска.

  • Марко Колеќески
  • Ана Јовкоска
  • Дорарт Амбари
  • Стефан Константиновиќ
  • Петрит Ајдини
  • Иван Попов
  • Блерим Лесковица
  • Дино Доминик Бјондиќ,

На селектираните кандидати им посакуваме успешна обука.

25 годишнина од отварањето на Обласната контрола на летање и комплетното превземање на воздушниот простор

На 07.11.2021 г. се навршија 25 години од отварањето на Обласната контрола на летање Скопје. Во раните утрински часови на 07.11.1996г. Обласната контрола на летање Скопје ја превзема надлежноста на целиот воздушен простор на Република Македонија, кој до тогаш беше контролиран од Белград согласно поделбата помеѓу контролите на летање во Загреб и Белград уште од времето на СФРЈ. Првиот авион кој беше воден од нашите контролори на летање беше на Изреалскиот Ел-Ал со дестинација за Тел Авив. Од тогаш за изминатите 24 години, контролата на летање се разви во модерен центар кој функционира согласно сите стандарди на Eurocontrol чија што членка сме од 1998г и Европска Комисија согласно ECAA agreement од 2006 г.

Од малата обласна сала со 25 метри квадратни, само еден радар и десетина лиценцирани контролори на летање кои со помош на колеги од Србија и Бугарија ги обезбедуваа услугите во почетниот период, денес М-НАВ располага со скоро сто контролори на летање и помошници контролори на летање, високо обучен технички и помошен воздухопловен персонал задолжени за безбеден, редовен и експедитевен сервис за летовите за аеродромите во Скопје и Охрид, како и прелетите на нашето небо. Сервисот се обезбедува со интегрирани податоци од 5 радари, од кои 3 на наша територија и по 1 од Грција и Бугарија, а податоците од нашите радари и комуникациски системи преку билатералните договори за соработка ги користат и соседните земји.

По сепарација од Агенција за Цивилно Воздухпловство, М-НАВ продолжи да биде национален давател на воздухопловни навигациони услуги.

Во најфреквентните денови од летната сезона се опслужуваат повеќе од 1000 летови дневно, а во 2019г. се регистрирани 230160 лета кои ги користеле навигационите услуги на М-НАВ.

Акционерското друштво М-НАВ ги обезбедува услугите и за државните воздухоплови на Министерството за одбрана и Министерството за внатрешни работи.

Преку континуирано и проактивно учество во работата на меѓународните воздухопловни организации и институции за безбедност -Eurocontrol, ICAO, CANSO, работиме на одржувањето на постоечките стандарди, но и на имплементација на новите процедури и технологии на работа, а се со цел обезбедување на поефикасен сервис за авиокомпаниите и зголемена заштита на животната средина.

Во денешно време, кога целата планета се соочува со пандемијата предизвикана од COVID 19, а авијацијата е една од најпогодените индустрии, состојба во која се прогнозира нормализирање на функционирањето е дури по 2-3 години, М-НАВ продолжува да ги обезбедува најпрофесионално и безбедно своите воздухопловни услуги додека ангажманот на вработените е прилагоден на постоечките протоколи за работа.

И покрај сите потешкотии предизвикани од кризните ситуации континуирано се работеше на одржување на потребното ниво на компетентност на контролорите на летање и другиот стручен кадар, како и на обезбедување на функционирање на системите за контрола на летање и соодветно имплементирање на меѓународните стриктни регулативи.

Она на што М-НАВ особено се гордее е тоа што во текот на месец август 2021г. забележа намалување на воздушниот сообраќај од  само -7.8% во однос на 2019та година истиот месец, по што следеше благ пад на обемот на воздушен сообраќај и во текот на месец септември намалувањето на воздушниот сообраќај е -11.9% во однос на истиот месец во 2019та година, за да во месец октомври М-НАВ конечно после повеќе од една и пол година бележи дури и пораст на воздушниот сообраќај од 1.3% во споредба со месец октомври во 2019та година. Со ова Република Северна Македонија за месец Октомври 2021 година е земја со најголем обем на пораст на прелети споредено со 2019 година на ниво на земји членки на ЕCAC.

Денес во исклучително комплексни околности, продолжуваме со работата и сме максимално посветени на проектите за имплементација на новиот АТМ систем и другите радарски и комуникациски системи, кои се дел од долгорочната стратегија за надградба на контролата на летање и се потребни за да може да се обезбеди ефикасен сервис во иднина за предвидениот обем на воздушниот сообраќај. Се одржува компетентноста на контролорите на летање и другиот стручен кадар и се продолжува со потребните обуки. Работиме и на плановите за проширување на концептот на Free Route Airspace со соседните контроли на летање, нешто со што ќе се зголеми ефикасноста на сервисот преку намалување на должината на рутите за летовите, а со тоа и потрошувачката на горивото и емисијата на штетните гасови во атмосферата.

Истовремено преку примена на протоколи за работа на оперативниот и останатиот персонал се одржува потребното ниво на обезбедување на услугите, при што максимално се води сметка за заштита и превенција на вработените.

Со почит,

М-НАВ АД Скопје

ДЕМАНТ / СООПШТЕНИЕ

Во врска со натписот под наслов ‘’Може да дојде до голема трагедија : Аеродромот во Скопје веќе две недели со дефектна сигнализација за слетување‘’ и објавените информации на 10.09.2020 година на интернет порталите, М-НАВ АД Скопје  најостро ги демантира и ги отфрла во целост како неточни по сите три основи.

Би сакале да ја известиме целата јавност дека безбедноста на авиосообраќајот не е доведена во опасност во ниту еден момент, поради фактот што до сега нема ниту една пријава за дефект на светлосната сигнализација ‘’PAPI‘’ на аеродромот во Скопје од страна на пилоти, но и од страна на ТАВ во чија надлежност е набавката и одржувањето на горенаведената опрема.

Нашата ПР служба не е воопшто контактирана, ниту телефонски, ниту на официјалната е-меил адреса на која може секој да не контактира. Со објавувањето на вакви неточни и крајно тенденциозни информации се нанесува огромна штета на  угледот на М-НАВ и се креира лажна слика за состојбата во авиосообраќајот.

Информацијата дека во нашето Друштво во изминатите неколку месеци се отпуштени голем број на вработени кои биле пред пензија ја отфрламе во целост како неточна.

Во однос на финасиската состојба на нашето Друштво би сакале да ја информираме јавноста дека Управниот Одбор на М-НАВ А.Д има донесено пакет економски мерки во насока на одржување на ликвидноста.

Сите човечки и технички ресурси во М-НАВ АД Скопје работат со максимален капацитет и најпрофесионално ги извршуваат сите оперативни работни задачи, при што критериумите за обезбедување на потребното ниво на безбедност и ефикасност во услугите за воздухопловна навигација континуирано се одржуваат на највисоко ниво.

Со почит,

М-НАВ АД Скопје

М-НАВ со нови засилени мерки за справување и превенција на ширењето на корона вирусот COVID-19

Почитувани,

М-НАВ АД Скопје, го регистрираше првиот случај на вработен позитивен на корона вирусот Covid-19. Во насока на превенција од понатамошно ширење на вирусот, покрај интерните донесени мерки М-НАВ А.Д. Скопје постапи согласно насоките добиени од надлежните, ковид центарот и дежурниот епидемиолог. Во рамките на ова, покрај редовната извршена е и вонредна дезинфекција на работните простории од компанија која за тоа има одобрение од Министерството за здравство. Вработениот, како и сите утврдени ризични контакти се во самоизолација со соодветно издадени решенија.

Друштвото воспостави и дополнително засилени мерки на заштита и превенција и од тие причини максимално е ограничен пристапот на надворешни лица во објектите каде се сместени оперативните простории за што се надеваме дека ќе имате разбирање. Приоритет за нас во овој момент е континуитет во давањето на нашите услуги на безбеден и ефикасен начин и М-НАВ А.Д. Скопје уште поинтензивно ке работи и придонесува на заштита на своите вработени кои се главен ресурс за обезбедување на ефикасни и безбедни услуги на воздухопловната навигација за сите корисници на нашиот воздушен простор.

Менаџментот на М-НАВ будно го следи развојот на ситуацијата со цел преземање на неопходните мерки и во целост ги почитува препораките, заклучоците и мерките дадени од страна на Влада на РСМ и другите надлежни институции.


Тимот на М-НАВ АД Скопје му посaкува брзо опоравување на вработениот и на сите други добро здравје.

СООПШТЕНИЕ ЗА ЈАВНОСТ

    Во врска со последните натписи објавени во неколку електронски медиуми поврзани со објавениот Конечен извештај за извршена ревизија на финансиски извештаи и ревизија на усогласеност на М-НАВ АД Скопје би сакале да Ве известиме за следното:
    • По претходно спроведена постапка за долгорочно задолжување кај меѓународна финансиска институција, истата спроведена во координација со Министерството за финансии и Министерството за транспорт и врски, М-НАВ АД Скопје на 24.09.2013 година потпиша Договор за заем со ЕБОР за финансирање на “Проектот за модернизација на М-НАВ/ Надградба на македонскиот систем за воздухопловна навигација – втора фаза“ без обезбедување со државна гаранција, во износ од 11.150.000,00 ЕУР кој воедно е четврта кредитна линија склучена со ЕБОР, при што сите постапки и процедури за набавка се спроведуваат согласно Политиките и правилата за набавка на ЕБОР (EBRD Procurement Policies and Rules).
      Со Договорот за заем од 2013 г. се опфатени повеќе проектни компоненти за набавка на комуникациски системи, радарска и метео опрема, а како примарна компонента е набавка, инсталирање и тестирање на АТМ Систем вклучувајќи и техничко-оперативна сала за истиот.
      До 2017 година наведените проекти требало да бидат реализирани, но истите не биле реализирани и каматите за неповлечените средства од ЕБОР до тој период изнесувале 243.000,00 ЕУР. По доаѓањето на новиот менаџмент во август 2017 година, извршена е ревизија на проектите при која се констатирани сериозни пропусти посебно во делот на поставување на стратешка инфраструктура на приватно земјиште – радар, за кое поради месечна закупнина од 500 евра во период од 20 години требало да се издвојат на приватно лице со што би се оштетил буџетот на М-НАВ АД Скопје во вкупен износ од 120.000 евра и да се потпише договор за отпочнување на градба на нова сала и нов АТМ систем на сеуште не е обезбедено легализирано земјиште со АУП и дозвола за градба.
      При крајот на 2017 година и почетокот на 2018 година најпрво се изготви договор за обезбедување на земјиште за новата сала и новиот систем кое што беше отстапено од страна на ТАВ, а до пред потпишување на Договорот се обезбеди и маркицата на истото односно беше изготвен нов Архитектонско Урбанистички План и се обезбеди дозвола за градба. Во однос на радарот беше обезбедена нова локација на државно земјиште и истиот ќе биде поставен без никаков финансиски надомест. Поради наведените пропусти дојдено е до задоцнувањето на реализација на овие два проекта опфатени во Договорот за заем потпишан со ЕБОР. Мораме да нагласиме дека во период од три години новиот менаџмент доведе четири проекти до завршна фаза и го заврши најобемниот процес изглед и начин на функционирање на новиот АТМ систем, заедно со експерти од Еуроконтрол и консултантот од Франција, Егис Авиа, со што се одобри отпочнување на негово производство. За преостанатите два проекти се изготвија нови технички спецификации и истите се на одобрување пред објавување во Европската Банка за обнова и Развој.
    • Во однос на делот каде што се наведува незаконско трошење на гориво веќе беа покренати и завршени судските постапки кон вработените вклучени во оваа злоупотреба и согласно судско вештачење надоместена е финансиската штета по тој основ.
    • За тврдењата во Извештајот за вработувањата , односно критериумите за вработување, начинот на прераспоредување на постојните вработени, исплатите на додатокот за прекувремена работа и делот на адвокатски услуги од страна на М-НАВ АД Скопје беа доставени забелешки, но истите не беа прифатени од за нас неразбирливи причини и на нас останува да постапиме по препораките од ДЗР.
    • Ве известуваме дека активностите поврзани со реализација на препораката за просторијата издадена под закуп за ресторанот од затворен тип, наменет само за вработените на Друштвото, се во тек. УО веќе постапува по препораката за ДЗР.
    • Во врска со забелешката дека земјиштето, односно административниот објект Лазар Поп Трајков, кој што е завршен во 2017 година и во моментов е сместен финансово правниот сектор, и покрај неколкуте одржани состаноци со надлежните служби сеуште не е извршен технички преглед на градбата, бидејќи се чека од страна на Министерството за транспорт и врски и Општина Центар објектот да биде впишан во АУП . Имено, напоменуваме дека во овој деловен објект лоцирани се повеќе државни иституции и М-НАВ АД Скопје има само 8% од вкупниот простор.
    • Како еден од најзначајните резултати од работењето на новиот менаџмент во последните три години е фактот дека основната главнина на Друштвото е зголемена за огромни 5 милиони евра и направено е значително намалување на непродуктивните расходи со што се докажа посветеноста и професионалниот однос.

Со почит,

АД М-НАВ Скопје