Иднината на временските услови, климата и водата низ генерациите

Живееме на планета на која се е меѓусебно поврзано. Ја споделуваме Земјата која има една атмосфера и еден глобален  океан.

Нашиот метеоролошки, климатски и воден циклус не познава ниту национални ниту политички граници. Меѓународната соработка е од особена важност. Оваа филозофија ја иницираше работата на светската метеоролошка заедница од 1873 година и истата ќе претставува водилка за преточување на науката во услуги кои му се потребни на општеството за сегашните и идните генерции.

Светскиот ден на метеорологијата 2023 се одржува за време на 150 годишнината на Светската метеоролошка организација. Акцентот е на достигнувањата во минатото, сегашниот развој и идниот потенцијал – од појавата на телеграфите кон крајот на 19тиот век и прогнозите наменети за морскиот сообраќај, па се до суперкомпјутерите и равојот на вселенската технологија.

Низ годините, Националните метеоролошки и хидролошки служби работат деноноќно на собирање и стандардизирање податоци кои ги поткрепуваат метеоролошките прогнози кои денес ги земаме „здраво за готово“. Историјата на размена на податоци при Светската метеоролошка организација испишува извонредна сторија за научната визија, техонолошкиот развој и пред се за единствениот систем на соработка кој има за цел да му служи на општеството.

Годишнината, исто така служи и како потсетник за промените на климата. Меѓународната метеоролошка организација – организација претходник на Светската метеоролошка организација – беше основана во 1873 година во време кога штотуку започна загадувањето од индустриските и човечките активности.

Како резултат на стакленичките гасови кои ја задржуваат топлината, просечната глобална температура сега е повисока за 1ᴼ Целзуисов во споредба од пред 150 години. Нашите метеоролошки услови се поекстремни, нашиот глобален океан е потопол и покисел, морското ниво е повисоко, а глечерите и мразот се топат. Промените се одвиваат со побрза стапка. Потребно е итно да се преземе нешто за да се намалат емисиите и да се осигураме дека идните генерации можат и да преживеат и да опстанат на нашата планета.

Добра вест е дека со брзиот научен и технолошки напредок во голема мера е зголемена точноста на временските прогнози и на раните предупредувања кои спасуваат човечки животи. Обемните податоци се разменуваат послободно во пошироката заедница од кога било досега, а достапни се и нови алатки вклучувајќи машинско учење и вештачка интелегенција.

Постигнат е значителен напредок за следење, симулирање и планирање на глобалните климатски услови за поддршка на донесувањето одлуки.

Нашиот метеоролошки, климатски и хидролошки циклус ќе биде различен во иднина споредено со оној од минатото. Временските, климатските и хидролошките услуги ќе ни помогнат да се справиме со соодветните предизвици и да ги искористиме можностите.

На 27 Февруари 2023 година ,селектираните 8-мина  кандидати за стекување на дозвола за контолори на летање започнаа со практичниот дел од обуката за овластување за аеродоромска контрола на летање со придружно овластување кула (ADI/TWR) во школскиот центар GATE Aviation Training APS во Данска.

Според планот, овој дел од обуката што се спроведува во Данска треба да заврши на 05.05.2023 година.

Им посакуваме успех на кандидатите.

На 22 февруари 2023 година во Охрид , г-дин Fahrudin Hamidi ,Претседател на Управен Одбор и Извршен Директор во СВН присуствуваше на церемонијата на потпишување на Спогодбата за потрага и спасување во областа на воздухопловството помеѓу земјите членки на Регионалниот советодавен комитет за потрага и спасување во цивилното воздухопловство (RASARAC).

Четири земји членки на RASARAC вклучувајќи ги Република Северна Македонија, Република Србија, Република Црна Гора и Република Словенија ја потпишаа оваа Спогодбата.

Раководство на Регионалниот советодавен комитет за потрага и спасување во цивилното воздухопловство (RASARAC) од страна на Република Црна Гора оваа година преминува на Република Северна Македонија, воедно Република Албанија како земја набљудувач потпиша Меморандум за соработка со надеж во блиска иднина да стане членка на овој Комитет .

Свое обраќање имаше и министерот за транспорт и врски, Благој Бочварски. Тој истакна дека регионалната соработка е од исклучително значење за поставување на високо професионални стандарди во цивилното воздухопловтсво Република Северна Македонија од 2016 година е член на регионалниот советодавен комитет за потрага и спасување во цивилното воздухопловтсо (RASARAC) .

Kомитетот се состои од претставници на земјите членки Република Босна и Херцеговина, Република Бугарија, Република Хрватска, Република Црна Гора, Република Северна Македонија, Република Србија, Република Словачка и Република Словенија.

На 29 Ноември 2022 година започна основната обука за контролори на летање на селектираните кандидати од страна на школскиот центар GATE Aviation Training APS од Данска. Овој теоретски дел од обуката ќе се спроведе во Скопје, а обуката за овластувањето ADI/TWR (аеродромска контрола на летање – кула) ќе се спроведе од крајот на Февруари до почетокот на Мај 2023 година во Копенхаген, Данска.

Им посакуваме успех на кандидатите.

Република Северна Македонија како членка на НАТО во мај месец 2022 година ја реализираше воената вежба SWIFT RESPONSE 2022 на армискиот полигон Криволак во која беа опфатени комбинирани воздушни активности во падобранството, слетување со хеликоптер и авиони со учество на вооружените сили на осум земји членки на НАТО.

М-НАВ АД Скопје како давател на услуги на воздухопловната навигација по повод овој настан се стекна со Благодарници за учество и придонес во вежбата SWIFT RESPONSE 2022.

Со ова М-НАВ доби уште признанија за одличната соработката со низа организации во областа на воздухопловството.

Денес, 20 октомври, е светскиот ден на Контролата на летање. И токму оваа година се слави стогодишнината на оваа професија.

На почетокот од минатиот век, еден од најголемите соништа на човекот – да полета, стана реалност. Но набрзо стана јасно дека таквиот сон, за да биде безбеден, мора да биде згрижен со одредени правила и да биде под нечија контрола.

Точно пред сто години, во далечната 1922 година, произлезе Контролата на летање како најверен партнер на најхрабрите сонувачи.
Денеска сме тука да посведочиме за првото столетие на Контролата на летање – голем јубилеј за оваа професија.

Оваа воздухопловна гранка се изроди на европското тло на релација Англија – Франција но денеска, Контролорите на летање се чувари на небото низ целиот свет.(www.atc100years.org)
Работат и дење и ноќе, секој ден од неделата, за да обезбедат континуиран сервис во воздушниот сообраќај.

Во Македонија, 120 Контролори и помошници контролори на летање опслужуваат преку 1200 воздухоплови на ден, вклучувајќи ги двата аеродроми Скопје и Охрид, како и воздухопловите кои ја прелетуваат нашата територијата.

Домот на овие професионалци е М-НАВ А.Д. Скопје а нивното семејство е ЗКЛМ – Здружението на Контролори на Летање на Македонија. (zklm.org)
M-НАВ А.Д. Скопје и ЗКЛМ – Здружението на Контролори на Летање на Македонија им го честита празникот на сите контролори на летање во целиот свет.