После повеќе од 10 години АД М-НАВ започна процес за регрутација и селекција на нови контролори на летање кои би се придружиле на нашиот тим. Во тек е процесот на селекција на кандидатите со FEAST пакетот од тестови (прв европски тест за селекција на контролори на летање) со цел пронаоѓање на најсоодветните кандидати за обука за контролори на летање. FEAST пакетот се користи од страна на 48 организации ширум светот. На нашите кандидати им посакуваме успех!
Претседателот на УО во М-НАВ и Извршен директор на СВН, Г-дин Николче Тасески и Членот на УО во М-НАВ и Извршен директор на СФПРРИ, Г-дин Миѓен Салмани, на 11ти Мај во Будимпешта присуствуваа на конференцијата на Извршни директори за Гејт Уан иницијативата.
http://en.hungarocontrol.hu/download/6430c2ae8b83ccf07a731a59a00c0ff2.gateone-press-release.pdf
15 вработени во “М-НАВ” А.Д. Скопје учествуваа и придонесоа за прекрасната атмосфера на традиционалниот Wizz Air Скопски Маратон кој се одржа во главниот град на Р.Македонија на 06 Мај, 2018. На маратонот земаа учество рекордни 10000 учесници кои беа пријавени од 58 земји од светот.
Николче Тасески, Игор Андреевски и Јасминка Каркински од “М-НАВ” А.Д. Скопје учествуваа на полумаратонска трка на 21 км. Во оваа дисциплина во женска конкуренција Јасминка Каркински имаше забележителен настап, го освои 86-то место од 544 пријавени, исто така во машка конкуренција и Николче Тасески постигна добар резултат, тој се најде на 402 место од вкупно 1366 пријавени.
Александар Палчевски, Филип Милков, Самир Буши и Игор Исакоски учествуваа на штафетен маратон и имаа забележителен настап, освојувајќи го 14-тото место од вкупно 57 пријавени екипи.
На трката од 5 км., учествува Климент Чепуњоски, Васил Депинов, Томе Андоновски, Оливер Муловски, Јовица Шурбановски,Светлана Дракалска, Жарко Апостолоски, Бесар Рамадани, како и Емануил Муратовски.
Со своето учество на Wizz Air Скопскиот маратон, вработените од “М-НАВ” А.Д. Скопје како верни љубители на трчањето и спортот ја покажаа поддршката во развојот на спортувањето и здравиот начин на живеење.
Членот на Управниот одбор на М-НАВ и извршен директор на Секторот за воздухопловна техника, Климент Чепуњоски вчера на 17 Април, 2018г., во Брисел, заедно со 41 партнер од воздухопловната индустрија присуствуваше на потпишувањето на нов договор меѓу Евроконтрол на кој М-НАВ АД Скопје му има дадено мандат за склучување договор со British Telecom за обезбедување и управување на безбедна и флексибилна New Pan-European Network Service (NewPENS). Со оваа мрежа ќе се обезбеди безбеден и економичен пренос на податоците кои се релевантни во ова поле на делување. Новиот PENS е продолжување на PENS од 2009г., но новиот нуди опслужување на поголем број на корисници, зголемена флексибилност, безбедност, расположливост и многу други погодни карактеристики. Г-дин Еамон Бренан, генерален директор на Евроконтрол напомена дека со зголемувањето на обемот на воздушниот сообраќај, со новиот PENS ќе се подржи европското воздухопловство, обезбедувајќи подобра прекугранична поврзаност а и ќе се поткрепат апликациите кои се особено значајни за безбедноста.
Во моментов има околу 100 локации на повеќе од 30 тековни корисници на PENS кои како и Евроконтрол постепено и во групи ќе преминуваат кон новиот PENS во периодот меѓу Октомври 2018г. и 30 Ноември 2019г, кога и истекува актуелниот PENS договор.
Во функција на размена на искуства и зајакнување на соработката, на 02 Април, 2018г., во SMATSA (Serbia and Montenegro Air Traffic Services SMATSA LLC) – Белград, делегација од АД “М-НАВ” предводена од Г-дин Николче Тасески, Претседател на Управен Одбор на “М-НАВ” и извршен директор во СВН како и од Г-дин Климент Чепуњоски, член на Управен Одбор на “М-НАВ” и извршен директор во СВТ оствари успешна работна средба со Г-динот Предраг Јовановиќ, генерален директор на SMATSA. На состанокот присуствуваа и директорите на SMATSA (Директорот на Секторот за управување со воздушен сообраќај, Директорот за давање на услуги во воздушен сообраќај, Директорот за информациска технологија и обезбедување, Директорот за воздухопловна техника, Директорот за човечки ресурси).
На средбата беше разговарано за можноста за имплементација на STAM мерки,за cross-border DCT, како и за процедури во случај на лоши временски услови.
Исто така на состанокот беа презентирани функционалностите и поволностите што ги нуди софтверот на SMATSA за подготовка на месечен распоред, софтверот за оперативен брифинг, но и се презентираше употребата на функционалноста нa меѓусмена.
Дополнително се разгледувале и технички прашања во врска со размена на радарски податоци, како и конкретните можности за подобрување и унапредување на комуникациските поврзувања во насока на следење на европските трендови за размена на податоци
Деканот на ФЕИТ, професор д-р Димитар Ташковски, претседателот на Управниот одбор на М-НАВ и извршен директор на воздухопловна навигација Николче Тасески и членот на Управниот одбор на М-НАВ и извршен директор на Секторот за воздухопловна техника, Климент Чепуњоски, потпишаа Меморандум за соработка кој предвидува соработка во различни домени, со посебен акцент на развојно-истражувачките и на апликативните проекти, консултативните услуги, едукативните активности, меѓусебната подршка, стипендирање на студенти од завршните години и постдиплпоци и многу други заеднички активности.
“Потпишувањето Меморандум за соработка, за нас, како високо-образовна институција, значи искористување на научно-стручните, професионалните, материјално-техничките и просторните услови насочени кон унапредување на едукативните, истражувачките и апликативните активности од областа на електротехниката и информациските технологии. Ние ја зголемуваме листата на компании со кои соработуваме и овозможуваме нашит студенти да добијат практично наобразба и да се вклучуваат во реализација на многу научни и апликативни проекти, но и да добиваат стипендии за завршуцање на образовниот процес”, вели деканот на Факултетот за електротехника и информациски технологии при Универзитетот “Св. Кирил и Методиј”, во Скопје, професор Ташковски.
За претседателот на Управниот одбвор на М-НАВ, Тасески, со ова стартува соработката со еден од најдобрите факултети во Макеоднија на кои им е потребно практична подршка.
“Како Акционерско друштво, во целост, ги подржуваме активностите на ФЕИТ во насока на обезбедување континуирано образование на инжинерско-техничкиот кадар, ќе обезбедиме материјална и стручно-професионална подршка, ќе организираме различни семинари, предавања и активности за одбележување различни рослави, годишнини и јубилеи” вели Тасески.
“Ова е прв пат од осамостојувањето на Македонија да имаме можност да создаваме кадри за потребите на воздухопловната индустрија”, рече Климент Чепуњоски, член на УО на М-НАВ. Препораките на ИКАО и европските регулативи налагаат континуирани тренинзи и освежување на знаењата на воздухопловно-техничкиот персонал, чија обврска е одржување, сервисирање и мониторинг на уредите и системите кои ги користат леталата. Воздухопловно-техничкиот персонал е тој кој дава лепеза на услуги во услови на постојано усовршување на технологиите и се поголема употреба на уреди и системи кои треба да обезбедат сигурен воздушен сообраќај. За да може да ја изврши оваа исклучително важна обврска, на воздухоплoвно-техничкиот персонал му е неопходна соодветна обука, што ќе ја обезбедиме во соработка со Факултетот за електротехника и информациски технологии (ФЕИТ). Досега за воздухопловно-техничкиот персонал во М-НАВ се организираа интерни обуки од сопствени ресурси. Со потпишување на меморандумот ќе се овозможи подигнување на обуките на повисоко ниво со вклучување на професорите од ФЕИТ во освежување на знаењата на воздухопловно-техничкиот персонал. За оние предмети за кои нема соодветен професорски кадар, ќе биде обезбеден преку нивна специјализација во европски воздухопловни центри. Со ова ќе се овозможи искористување на локална научна база, намалување на трошоците со истовремено зголемување на квалитетот на процесот на обуки, изјави Чепуњоски.