Претседателот на Управниот Одбор на и Извршен директор во СВН, Г-дин Николче Тасески со Членот на Управниот Одбор на “М-НАВ” и Извршен директор во СВТ,Г-дин Климент Чепуњоски, вчера на 21 Февруари, 2018г., во Брисел, остварија работен состанок со Генералниот Директор на Евроконтрол, Г-дин Еамон Бренан, а на состанокот присуствуваше и Шефот на кабинетот на Генералниот Директор на Евроконтрол, Г-динот Донал Хендли.

На состанокот се разговараше за можноста од потпишување нов Договор за ниво на услуги (Service Level Agreement) меѓу М-НАВ и Евроконтрол, ова би било од особено значење за М-НАВ бидејќи истото има за цел да се добие експертска помош од Евроконтрол во делот на подготвување на процедури на комуникацијата со податочен линк меѓу контролорот на летање и пилотот (CPDLC/Data Link), а би се остварил и премин од часовни податоци за влез (Hourly Entry Count) кон податоци за зафатеност (Occupancy Count) како и во делот на модернизација и рационализација на надзорни услуги (Surveillance modernization and rationalization) со користење на aвтоматско емитување на податоци – ADS-B and Wide Area Multilateration.

Исто така на состанокот беше разговарано за поддршка во делот на хармонизација на регионални FRA, вклучувајќи го воздушнио простор над Косово. Генералниот Директор на Евроконтрол, Г-дин Еамон Бренан даде поддршка за отпочнување на сите активности поврзани со нов договор, во овој правец претставник на Евроконтрол ќе пристигне во Македонија а најдоцна во период од еден месец на повторна средба меѓу првите луѓе на М-НАВ и Генералниот директор на Евроконтрол договорот ќе се финализира.

За време на престојот во Брисел, на маргините на состанокот на CANSO-Civil Air Navigation Services, исто така првите луѓе на М-НАВ остварија средба и со главниот оперативен директор на CANSO, Г-дин Симон Хокуард , а на средбата присуствуваше и Менаџерот за европска координација и безбедност при управување со воздушниот сообраќај, Г-дин Едвардо Гарсија Гонзалес. За време на оваа средба беа презентирани придобивките од евентуално членство на М-НАВ во оваа организација. На состанокот се заклучи да се разгледа можноста од пристапување, со цел зајакнување на политичките позиции на М-НАВ на глобално и регионално ниво, како и постигнување на хармонизација на престојните активности.

За прв пат откако Република Македонија доби статус на опсервер во DANUBE FAB во април 2016 година, делегација на македонскиот давател на услуги на воздухопловна навигација А.Д. „M-НАВ“ во состав од Г-ца Ирена Каличанин –Началник на центарот за обука на КЛ и Г-дин Дејан Зарапчиев – Советник за наплати а предводена од Г-дин Николче Тасески – Претседател на Управен Одбор на „M-НАВ“ и Извршен директор во СВН заедно со Г-ѓа Светлана Глигоровска – претставник од Министерството за транспорт и врски на Република Македонија присуствуваа на InterFAB Performance Workshop, работилница чиј домаќин беше DANUBE FAB а која се одржа во Софија на 31 јануари и 1 февруари 2018 година.
Главни теми за кои се разговараше беа достигнувањата на АТМ мрежата како и нивниот развој и шемата за наплата во RP3.
Настанот претставува платформа за разменување на најдобрите практики и за разговор во врска со темите кои се од интерес за FAB-овите а во однос на престојните промени на Регулативите за перформанси и наплати за RP 3. За време на работилницата беше призната важноста на девијациите од приходите на годишно ниво во воздушниот сообраќај и нивното влијание врз АТМ достигнувањата.
На работилницата присуствуваа и претставници на FABCE, FABEC, Baltic FAB и BLUE MED FAB.

Во рамки на дводневната работилница за надзорни технологии во воздухопловството, што вчера и денес се одржува во „Евроконтрол“ во Брисел, директорот на воздухопловна техника на М-НАВ и член на Управниот Одбор на М-НАВ, Г-дин Климент Чепуњоски разговараше со првиот човек на организацијата Г-дин Франк Бренер. Со оглед на потребата за континуирано подобрување на стручната оспособеност на персоналот на воздухопловна техника, Г-дин Чепуњоски ја потенцираше важноста на обуките и одржување на нивниот континуитет.

„На г-динот Бренер му ја образложив неопходноста од интензивни обуки, кои би се одржале во Луксембург или во Македонија. Разменивме мислења и за важноста на поврзувањето на Словенечката контрола на летање со регионалниот центар во Мастрихт како и за можностите за ваква интеграција на Македонската навигација“, изјави директорот Чепуњоски.

На средбата беа разгледани можностите кои ги нуди PENS (Pan-European Network Services) и предностите од користењето на услугите.

Дводневната работилница на Еуроконтрол обработува теми поврзани со следење, откривање и комуникација на воздухопловите со помош на воздухопловно-техничките уреди и системи, како и воведување на нова технологија.

Делегацијата на М-НАВ предводена од Г-дин Николче Тасески, Извршен Директор во СВН и Претседател на Управен Одбор се состана во Софија со делегацијата на BULATSA предводена од Генералниот Директор, Г-дин Георги Пеев. На работниот состанок се разговараше за тековните проекти и планови за развој и модернизација на ANS системите во двете Држави. Претставниците од BULATSA ги споделија своите искуства за организациските и технолошките развивања на организацијата но и за нивното учество во меѓународните проекти за SESAR. Македонската делегација покажа интерес и за работата во функционалниот блок на воздушен простор DANUBE FAB. Се разговараше и за создавањето на овој блок, целите, структурата и управните тела, како и за можностите кон него да се приклучат соседните држави. Двете страни се договорија околу следните чекори како и продолжување на соработката во делот на управувањето со безбедноста, сајбер безбедноста, ефикасноста на ANS и др.теми.