by admin | Авг 12, 2018 | Новости
На 11ти Август по трет пат оваа година се надмина бројот на летови над македонското небо со вкупно 1028 летови!
Со ова се надмина рекордот од предходната сабота (4-ти Август) за 21 лет. Од вкупно 1028 летови, 963 се прелети а 64 остварени на аеродромите во Скопје и Охрид
На 4ти Август оваа година повторно се надмина бројот на летови над македонското небо со забележани рекордни 1007 летови!
Во првата половина на 2018 година продолжи трендот на континуиран раст на сообраќајот кој започна во 2017 година кога се забележа раст од над 20% на глобалниот сообраќај.
Во првите шест месеци од 2018 година М-НАВ има реализирано вкупно 82 619 oперации наспроти 73.074 операции во 2017 година, со што бележиме дополнителен раст од 13,6%.
Во однос на полетувања и слетувања бележиме раст од 15,9%, 8868 операции во 2018 наспорти 7651 операција во 2017 година.
Месец со најголем раст на вкупниот сообраќај е месец Мај со вкупен сообраќај од 19594 во 2018 година, наспроти 16768 во 2017 година, што претставува вкупен раст од 16,9% на месечно ниво.
Tрендот на континуиран раст на сообраќајот продолжува и во текот на летните месеци. Најоптеретен ден во неделата останува сабота, а среда, петок и недела се следни денови во неделата по оптеретување.
Одлично сработено од страна на сите колеги кои дадоа придонес за остварување на овој успех, а посебно благодарност до нашите Контролори на летање!
by admin | Јул 23, 2018 | Новости
На 30-ти Јуни оваа година забележани се рекордни 978 летови над македонското небо!
Во првата половина на 2018 година продолжи трендот на континуиран раст на сообраќајот кој започна во 2017 година кога се забележа раст од над 20% на глобалниот сообраќај.
Во првите шест месеци од 2018 година М-НАВ има реализирано вкупно 82.619 oперации наспроти 73.074 операции во 2017 година, со што бележиме дополнителен раст од 13,6%.
Во однос на полетувања и слетувања бележиме раст од 15,9%, 8868 операции во 2018 наспорти 7651 операција во 2017 година.
Месец со најголем раст на вкупниот сообраќај е месец Мај со вкупен сообраќај од 19.594 во 2018 година, наспроти 16768 во 2017 година, што претставува вкупен раст од 16,9% на месечно ниво.
Tрендот на континуиран раст на сообраќајот продолжува и во текот на летните месеци. Најоптеретен ден во неделата останува сабота, а среда, петок и недела се следни денови во неделата по оптеретување.
Одлично сработено од страна на сите колеги кои дадоа придонес за остварување на овој успех, а посебно благодарност до нашите Контролори на летање!
by admin | Јул 11, 2018 | Новости
Делeгација од М-НАВ предводена од Г-дин Николче Тасески, Извршeн Директор на СВН и Г-дин Миѓен Салмани,Извршен Директор на СФПРРИ, во периодот од 09 Јули до 11 Јули престојуваа во работна посета во Тирана, во Albcontrol каде се состанаа со тамошното раководство.
Во рамки на работната посета се дискутираше и се договорија повеќе значајни оперативни теми:
• Отпочнување на соработка за cross border DCT;
• Изготвување и потпишување на договор за размена на податоци од областа на безбедноста;
• Потпишување на билатерален договор помеѓу двете држави за делегирање на АТS услуги и изведување на SAR до крајот на 2018г;
• Договорено е моментално решение за активирање на привремена ограничена зона за воздушен сообраќај кој слетува/полетува од Охрид;
• Директна телефонска линија помеѓу Охрид и Тирана;
• Меѓусебна соработка при имплементација на NewPENS;
• Размена на ОLDI пораки за Cumulus Nimbus директни рути;
• Размена на податоци за терен во областа околу охридскиот Аерoдром Св. Апостол Павле што има влијание на инструменталните процедури на летање;
За време на работната посета се договори наредна средба во Скопје во Септeмври за потпишување на Меморандум за рабирање помеѓу двата провајдера, Albcontrol и М-НАВ.
by admin | Јун 5, 2018 | Новости
Екипа на АД “M-НАВ„ трчаше на манифестацијата “Охрид Трчат 2018” која се одржа под мотото “Show Your Rare! Show You care”! на 3 Јуни, 2018г. низ улиците на атрактивниот Охрид.
За АД “M-НАВ трчаа Николче Тасески, Игор Исакоски, Јасмина Каркински, Горан Георгиевски, Светлана Крстеска -Дракалска, Горан Кочовски, Игор Андреевски, Јовица Шурбаноски, Оливер Муловски и Томе Андоновски.
Оваа активност е во организација на активист на здруженијата на граѓани за ретки болести, живот со предизвици, Гордана Лолеска во соработка со здруженија и фирми од Охрид и Општина Охрид. Главните трки беа: градска трка од 10.000 метри и рекреативна трка од 5.000 метри.
Постигнувајќи го осмото место од вкупно 32 екипи, екипата од АД “M-НАВ„ ја поддржа идејата да трчаат за помош на лицата со ретки болести, истовремено промовирајќи го спортот, квалитетната исхрана и здравиот начин на живот. Покрај тоа што средствата собрани од оваа манифестација се наменети за лицата со ретки болести, со своето учество АД“M-НАВ„ помогна и во подигнувањето на јавната свест за проблемите и потребите на овие лица.
“Охрид трчат 2018” дефинитивно ја освои и ќе ја освојува Македонија во наредните години а Директорот на трката Иван Цветкоски придонесе за успешното организирање на оваа атлетска манифестација, за беспрекорната организираност, масовноста со голем број на учесници меѓу кои и пациенти со ретки болест, нивните семејства и поддржувачи како и за прекрасната забава.
by admin | Мај 22, 2018 | Новости
После повеќе од 10 години АД М-НАВ започна процес за регрутација и селекција на нови контролори на летање кои би се придружиле на нашиот тим. Во тек е процесот на селекција на кандидатите со FEAST пакетот од тестови (прв европски тест за селекција на контролори на летање) со цел пронаоѓање на најсоодветните кандидати за обука за контролори на летање. FEAST пакетот се користи од страна на 48 организации ширум светот. На нашите кандидати им посакуваме успех!
by admin | Мај 16, 2018 | Новости
