По успешното прво издание во 2017 година, на 7ми октомври 2018 година по вторпат се одржа СКОПЈЕ ТРЧА 10КМ. Вработените во М-НАВ АД Скопје земаа активно учество на оваа трка како тим и тоа, 5 претставници на трката на 10 км: Николче Тасески, Игор Андреевски, Јасминка Каркински, Владимир Трпковски и Гордана Теговска и 2 претставници на штафетната трка 2х5 км: Ристе Стефанов и Жарко Апостолоски. Секој што ја заврши трката доби медал.
Организатор на трката е Сојузот на спортови на Скопје (кој е организатор на Виз Ер Скопски Маратон и Авицена Женска Трка), во соработка со А.К.Работнички и Атлетската федерација на Македонија и со помош на Министерството за внатрешни работи на Република Македонија. Генерален покровител на СКОПЈЕ ТРЧА 10КМ е Агенцијата за Млади и спорт, покровител е Град Скопје а огромна помош има и од други партнери и спонзори. Оваа трка е влезена во календарот на Атлетската федерација на Македонија (АФМ) и Европската Атлетска Асоцијација (ЕАА), а од следната година предвидено е оваа трка да стане член на Меѓународната асоцијација на маратони и улични трки (АИМС).
Оваа трка отвора едно уникатно поглавје во кое се вклучија десетици познати личности. Заедно со СОС Детско село тие брзо чекорат кон зголемување на нивото на филантропија и здравиот начин на живење во Македонија.

Одделението за воздухопловни информации при М-НАВ го издаде AIRAC Амандманот број 61 на Зборникот на воздухопловни информации со ефективен датум 08 Ноември 2018 година. Содржината на амандманот се однесува на промена на димензиите на основната патека на Скопскиот аеродром како и на имплементација на RESA.

Амандманот можете да го најдете ТУКА

На 10ти Октомври 2018г, македонска делегација претставувана од Г-дин Николче Тасески – Претседател на Управен Одбор и Извршен Директор на СВН, Г-ца Ирена Каличанин – Заменик Директор на СВН, Г-дин Владко Крстевски – Заменик Директор на СВТ, Г-ѓа Катарина Марковска – Шеф на смена во ОБКЛ и Г-ѓа Јасминка Гоцевска, АТМ Експерт беа во официјална посета на давателот на услуги за воздухопловна навигација, Malta Аir Navigation Services (MATS), кој се наоѓа на меѓународниот Аеродром Малта. Делегацијата на М-НАВ беше пречекана од страна на Г-дин Кенет Чиркоп – Извршен Директор на МАТS и од Г-дин Ентони Хаидон, Раководител на центарот за обука во МАТS. На состанокот се разговараше на различни теми во врска со АТС операции, а посебен осврт се направи на ново инсталираниот АТМ систем во МАТS кој е со најнови технолошки и оперативни карактеристики . Делегацијата имаше можност да сподели искуства, особено во однос на набавка и инсталација на нови АТМ системи, земајќи ја во предвид временската рамка за секоја фаза од процесот. Вака, со запознавање и разбирањена севкупниот процес на инсталирање на нов АТМ систем, делегацијата на М-НАВ подетално се запозна со престојните предизвици но и ја подигна перцептивната свест.
Понатаму, делегацијата на М-НАВ ги посети оперативните простории на МАТS како и техничката сала каде им беа презентирани оперативните можности на системот и на персоналот. Секој член на делегацијата имаше можност да се осврне на различна тема, да поставува прашања и да се запознае со системот подетално.
На крајот од посетата, сите претставници од М-НАВ имаа можност да работат и да ги пробаат функциите и можностите на новиот систем во симулаторот на МАТS. На делегацијата и претставуваше особена чест за добиената безрезервна поддршка да се запознае одблиску со новиот АТМ систем као и за можноста да работи на него, со што се здоби со единствено и високо ценето искуство.
Уште еднаш М-НАВ би сакала да изрази огромна благодарност на колегите и на пријателите од МАТS за срдечниот пречек и за прочуената медитеранска гостопримливост.

Во периодот од 9 до 12 септември во Саленто, Италија, за прв пат се оддржа музички фестивал на контролори на летање од цел свет (Controllers’ Music Festival). Предуслов за учество на фестивалот беше најмалку еден од членовите на секој бенд да поседува активна контролорска дозвола. Честта да го отвори фестивалот ја имаше бендот од Македонија Control Freaks, предводен од нашата вработена Наташа Мијат Крстевска позната како Мијата. На фестивалот настапија 13 бендови од различни центри низ светот како Карлсруе – Германија, Прага – Чешка, Техеран – Иран, Канарски Острови, Рим, Бриндизи и Милано – Италија и други.
„Искрено се надевам дека овој фестивал ќе стане традиција затоа што чувството дека толку сродни души како на контролорски план така и музички беа на едно место е неописиво. Голем аплауз за нашите колеги од Бриндизи кои се организатори и за идејата да се направи ваков фестивал“ – вели Наташа Мијат Крстевска по враќањето од фестивалот.