Во рамките на прославата на големиот јубилеј, пет децении постоење, кој минатата недела го одбележа полициската хелокоптерска единица, на М-НАВ и беше доделена БЛАГОДАРНИЦА за унапредувањето на односите и соработката со Хеликоптерската единица при МВР.

Ова претставува особена чест и задоволство за М-НАВ бидејќи оваа благородна, животоспасувачка Хеликоптерската единица при МВР е организациона единица која што по своето значење, улога и функција претставува стожер во полициското делување, особено кога станува збор за сложени и крајно специфични полициски, воздухопловни активности и операции.

Со ова М-НАВ доби уште едно признание дека континуирано ги унапредува односите и соработката со низа организации во областа на воздухопловството издигајќи се како респектабилен фактор како во нашата држава така и пошироко.

М-НАВ ќе продолжи со техничка, професионална и стручна соработката со Хеликоптерската единица и во иднина, согласно највисоките стандарди за соработка.

Првите луѓе на давателот на услуги за воздухопловна навигација М-НАВ, Г-динот Николче Тасески и Г-динот Александар Палчевски заедно со АТМ и CNS експерти од M-НАВ, за прв пат остварија еднодневен работен состанок со претставници од HCAA- Thessaloniki (Hellenic Civil Aviation Authority), соседна Република Грција.

Главна тема на состанокот беше имплементација на OLDI (On Line Data Interchange) со MAKEDONIA APP, како протокол за автоматска координација и размена на актуелни податоци за лет меѓу двете соседни единици на Контрола на летање. Имплеменацијата на OLDI е од особена важност за поголема ефикасност и точност во размена на оперативни податоци, но и намалување на вербалната координација меѓу соседните единици на Контролите на летање.

На состанокот исто така беше разговарано и за други оперативни теми од заеднички интерес.

Земајќи во предвид дека ова е прва работна средба со колегите од HCAA- Thessaloniki , средбата може да се оцени како исклучително важна во правец не само на подобрување на автоматизираната размена на податочни пораки, туку и во правец на подобрена комуникација, зголемена меѓусебната доверба и зајакната соработката меѓу Република Грција и Република Северна Македонија во областа на воздухопловството.

Ваквиот конструктивен пристап на соработка меѓу контролите на летање на овие две соседни земји ќе продолжи и во иднина.

Минатата недела во центарот за обука, Flight Training Europe, S.L во Херез, Шпанија, кандидатите контролори на летање од М-НАВ кои беа избрани во процесот на селекција спроведен во текот на 2018 година, успешно завршија со почетната обука и обуката за стекнување на овластување ACS и TWR.

По тој повод центарот за обука им организираше свечена цермонија за одбележување на ова достигнување и врачување на соодветните дипломи. Извршниот директор на СВН и Претседател на УО, Г-динот Николче Тасески заедно со Заменикот директор на СВН, Г-ца Ирена Каличанин, г-динот Miguel Caparrós, Главен инструктор за обука на контролори на летање во FTEJerez и Г-динот Frik Schoombee, Директор/Бизнис развој присуствуваа на оваа свечена церемонија заедно со останатите поканети гости и претставници од школскиот центар.

М-НАВ вложи големи напори во процесот на селекција и регрутација на кандидати за КЛ и го направи најдобриот избор за што сведочи и пофалбата добиена од центарот за обука, Flight Training Europe, S.L дека оваа класа на студенти КЛ од М-НАВ се најдобрите кои ги има “произведено” центарот за обука.

На церемонијата беа доделени и почесни дипломи за посебни достигнувања на студентот Бард Ајдини, за најдобри постигнувања во теоретскиот дел, и Јаков Бурнески за најдобри достигнувања во практичниот дел, односно обуката на симулатор.

М-НАВ се гордее со постигнатите резултати и на оваа група како и со резултатите на претходната која пред неколку месеци исто успешно ја заврши својата обука во центарот ATS Global Denmark. Со новите амбасадори на авијацијата треба да се гордее целата наша Држава

Дипломирањето на сите студенти КЛ оваа година е посебно задоволство за М-НАВ зошто по скоро 10 години Друштвото доби подмладок која во иднина ќе го придонесе за опслужувањето на зголемениот обем на воздушен сообраќај.

Уште еднаш М-НАВ им честира на студентите КЛ за постигнатиот успех и им посакува успешен развој на нивната кариера.

Денес насекаде низ светот се слави Светскиот ден на Контролорите на летање!

М-НАВ го честита Светскиот ден на Контролорите на летање, 20ти октомври! Контролорите на летање ширум светот имаат заедничка цел која посветено ја реализираат, а тоа е преку синтеза на безбеден, ефикасен и економичен систем на контрола на летање и сопственото специфично знаење, вештини и искуство светот да добие безбеден авио сообраќај.

Во својата честитка до сите Контролори на летање, Претседателот на Управниот одбор на М-НАВ и Извршниот директор на М-НАВ, Г-дин Николче Тасески наведува дека брзото пребарување на интернет ќе потврди дека во просек дневно има приближно 100.000 летови кои се дел од општата авијација, приватни, комерцијални и карго летови кои ги опслужуваат контролорите на летање. Исто така тој ја нагласува значајноста на оваа најпредизвикувачка професија, наведувајќи дека за безбедноста на тие летови се грижат професионалци, мажи и жени, познати како Контролори на летање за кои за жал јавноста многу малку знае и за нив дознава само од наслов од медиуите за сторена грешка или во случај на воздухопловна несреќа, а ретко се слават нивните успеси. Тој нагласува дека е потребна промоција на оваа професија, бидејќи овие професионалци се значаен дел од најбезбедниот начин на превоз во светот и дека тие сносат максимална одговорност за сигурноста во непријатни моменти за време на летот. Овие чувари на небото работат со максимална посветеност и концентрација, брзо и ефикасно притоа применувајќи го сето стекнато знаење, искуство и вештини. Тие немаат можност да го слушнат она благодарам кое обично е насочено кон пилотите и екипажот на летот, ниту да ја видат насмевката после успешно завршен лет, затоа барем на овој ден да го одбележиме нивниот придонес со едно големо благодарам. Уште еднаш М-НАВ им го честита денот на сите Контролори на летање, им посакува успешно работење, опслужување на поголем број на летови и им се заблагодарува за нивната посветеност кон безбедноста на сите патници!

Претседателoт на Управен одбор на АД М-НАВ и Извршeн директор на СВН, Г-дин Николче Тасески и Јасминка Гоцевска АТМ Експерт за меѓународна соработка во СВН, на 20 Септември во Будимпешта, присуствуваа на состанокот Gate One.  На состанокот беа присутни сите претставници од тринаесетте даватели на услуги за воздухопловна навигација во регионот.

Првенствено на овој состанок присутните разговараа за иднината на Gate One како и за начинот на работа на оваа заедничка платформа. Секој од Извршните Директори на давателите на услуги во воздухопловната навигација, партнери во Gate One платформата го изразија својот став и гледиште во однос на веќе поставената заедничка визија и мисија на групацијата.

Преку презентација подготвена од страна на Претседавачот на Gate One, Г-дин Kornél Szepessy, CEO на Hungarocontrol, присутните се потсетија на основните цели кон кои се стреми групацијата, зајакнувањето на функциите на мрежата, споделување на знаење, создавање платформа за координација, заеднички ставови и стратешки цели и поддршката – врз основа на консензус.

Во продолжение на состанокот се нагласија  суштинските предизвици кои директно ја засегаат иднината на оваа платформа и потребата истите да бидат редефинирани со предлози дадени од членовите. Стравувањето дека истовременото членување во CANSO и други алијанси би можело да предизвика конфликт на мислења, немање доволно мотив, ригидно носење одлуки беа исто така земени во предвид.  Беше презентирана и SWOT анализа на Gate One, преку која присутните добија јасна слика за сите предности, слабости, можности и закани.

Со цел да се постигне заеднички став за идните насоки и позиционирање на Gate One платформата, присутните беа поделени на 4 групи и секоја група преку реленг бреинсторминг дојде до одредени заклучоци кои понатаму беа разгледани како насока за понатамошно делување на платформата.

Членовите на Gate One ги прифатија предлог заклучоците во иднина начинот на поддршка при гласање да се промени од консезуално во двотретинско мнозинство, сите членки да бидат со активен статус и главниот фокус во идното работење на оваа платформа да бидат реални и тековни теми  и проблематики. Како заеднички став на присутните од еднодневниот состанок, беше заклучокот во најкус рок GCC да подготви предлог измени во Договорот за основање на  Gate One, каде што ќе бидат вметнати сите усвоени измени во однос на гласањето и истото ќе биде дадено на усвојување од страна на Извршните Директори, на предстојниот состанок во Софија. Воедно беше дадена насока до сите членки да дадат предлог измени и дополнувања во делот на стратегијата, визијата и мисијата на Gate One.

На 6ти септември, Заменик директорот на секторот за воздухопловна навигација, Ирена Каличанин, и раководител на центарот за обука на контролори на летање во М-НАВ, Иво Паскалов, беа во работна посета на центарот за обука во Херез, Шпанија, каде во моментов на обука се наоѓа втората група од нашите студенти и реализираа средба со директорот на Flight Training Europe, S.L., Г-дин. Оскар Сордо и инструкторите за обука на КЛ.

По спроведениот процес на селекција на кандидати за контролори на летање и постапката за јавна набавка, М-НАВ потпиша договор за школување на втората група од 6 кандидати за контроли на летање, од кои 5 кандидати за стекнување на овластување ACS, за обласна контрола на летање и 1 кандидат за ADI/TWR и APP (кула/приодна).

Обуката на овие кандидати почна да се спроведува почнувајќи од 04ти Август 2019 во Херез, Шпанија, во центарот за обука Flight Training Europe, S.L.

Flight Training Europe, S.L има над 30 години искуство во обука на воздухопловен персонал. FTEJerez се етаблира како една од водечките и најексклузивните организации за обука во полето на авијација. Со текот на годините, FTEJerez изгради и консолидира низа првокласни услуги за обука во воздухопловството и комплетно портфолио на обуки за контролори на летање.

Нашите студенти моментално се во фаза на полагање на теоретските испити од основната обука за КЛ и досегашните резултати постигнати на испитите се одлични. Обуката за кандидатите на М-НАВ согласно договорот треба да заврши на почеток на месец Ноември оваа година за 5те ACS студенти и во месец Декември за кандидатот кој е на обука за стекнување на ADI/TWR и APP овластување.

Им посакуваме успешна обука на нашите кандидати и да продолжат со одлични резултати и во иднина